遊遊盪盪星期天

話說星期六晚，0係屋企睇左魔間傳奇，好多老友話好好睇﹗不過......

其實除左隻山山狗死0個時有點感動之外....仲有0的咩地方大家覺得好睇呢？真係咁孤單麼？

我個人就覺得WIL SIMTH做得只算稱職，係咪真係好出同埋個感覺好帶得出呢......我就覺得普通吧﹗太多野值得商榷了﹗

星期日起身就去左食左個想食好耐的雞比餐..

真係好肥好熱氣呀，不過好好食﹗好耐都無食過可以大大啖食的油膩野了﹗好滿足，不過食完之後飽左成兩三個鐘呢﹗

六點幾去左諾士佛台，走左去老地方

咁岩有0的雨粉，最愛就係在窗邊露天看雨架喇﹗

白酒sangria，第一次飲，好重白酒同埋菠蘿味﹗幾得意呢﹗

飲完野周圍行下，簡簡單單食個晚飯﹗好掛住蠔仔粥，所以我揀左潮州野﹗

我的最愛，墨魚紅腸﹗真係好好食架﹗

仲有好耐都無食過既蠔仔粥﹗同埋....

蟶子仔﹗YEAH﹗快樂的星期天﹗

不得不轉場

用了幾年的 Xanga竟然話我已經用哂佢1G的相片儲存量，不得不轉場過來Yahoo打下blog，大家有yahoo blog的朋友請add番我吧﹗謝謝大家一直支持﹗thx﹗

新blog地址:  http://hk.myblog.yahoo.com/smallsmalllin

無澱粉

第一天的晚上決定再次下海，煮牛柳粒食﹗

油一滾就加蒜蓉，爆香再落牛柳粒，牛柳是超市貨35蚊好大塊﹗見佢熟熟地就加埋蒜片蔥花，同埋少少紅酒黑椒及辣椒仔

上碟﹗yeah!!!!唔知點樣可以炸到0的蒜片變黑色呢，本來我個心係想整蒜片牛肉粒的﹗唔知係咪應該早0的落，而家0的蒜大家可以見到係唔熟的﹗111

味道都ok，唔會全熟我想有八成熟吧﹗不過食完好似仲肚餓咁﹗

配埋88蚊兩支的Hardys Merlot，正呀﹗沒有澱粉的第一天﹗

又係減肥時

寒冷的聖誕及元旦，加上呢0的咁既喜慶日子，去馬交一日食十餐0係香港唔係打邊爐就係去bbq，再唔係就大魚大肉，上一上磅發現重左成十磅去番160磅，大煲又係時候要做0的野﹗

都係時間減肥，不過靠我自己減效果必定是零.......

與食家夾好後，決定參加了同工的戒澱粉減肥大行動，我只係俾錢就有齊早午餐，當然舉腳讚成啦﹗

這天的午飯，水灼菜加豬扒一塊，當然要加多半個西柚啦﹗呢次食物全部由同工媽媽主理，賣相吸引，食得開心﹗

暫定十天希望落番六七磅，飯局暫停，酒局免啤酒，頂住﹗

新年快樂

先祝各位新年快樂，身體健康﹗

呢個除夕夜同埋阿哩、細細、龍龍、昇&C一齊入左屯門小欖BBQ，今日真係凍得反常，可能真係太耐無凍過既關係，大家係咁震過貓王﹗

入去的小巴，開到108呀，勁呀，飛到咁去﹗全程都係BeeBee聲未停過，唔洗三個字就由旺角入到屯門了﹗

透爐的工作是我的份內事，所以由我負責，個場真係好唔得，都唔知0的咩管理，一多人的日子就咩都無仲周圍亂七八嘈，要睇有咩我要插既話就來我openrice既地方啦﹗

http://www.openrice.com/restaurant/userinfo.htm?userid=35214

我的墨魚丸及燒賣，由於係食家燒既，點都要食哂﹗

個場全場爆滿真係好熱鬧，不過就真係迫左少少，不過是旦啦，0的野食幾好食﹗

大家吹下水又一day﹗

明知倒數我當然有帶備紅酒啦﹗仲買埋膠杯serve哂大家﹗雖然個大會現場唔知搞咩春過哂時間先來倒數，不過算啦﹗

齊齊整整又聚埋一齊﹗記得上年都有阿哩及龍龍呢﹗話咁快又一年了﹗大家新年快樂﹗

2:00清場﹗0的人走得勁快，我同食家懶理燒埋條粟米坐多陣先走﹗人影散亂呀﹗

之後搭的士入左元朗西菁街咩水手吧join左同事玩一陣﹗嘩，怪不得報紙成日見到元朗0的酒吧發生打交事件，我企0係個廁所門口都感受到0的凶神惡殺行來行去﹗

唔係講少，下次都係唔入元朗，或者去番大馬路就算喇﹗